मालेगाव : कसमादे परिसरातील चणकापूर, हरणबारी, पुनंद, केळझर धरण क्षेत्रात मुसळधार पाऊस सुरू असून, धरणातील पाणीसाठा वाढत आहे. या पार्श्वभूमीवर चणकापूर व पुनंद धरणातून गिरणा नदीपात्रात, तर हरणबारी धरणातून मोसम नदीपात्रात पाण्याचा विसर्ग सुरू आहे. यामुळे गिरणा व मोसम नदीला पूर आला आहे. प्रशासनाने नदीकाठावरील गावांना सतर्कतेचा इशारा दिला आहे.<br />गेल्या आठवडाभरापासून कसमादे परिसरात पावसाची संततधार सुरू आहे. दररोज होत असलेल्या पावसामुळे जनजीवन विस्कळीत झाले आहे. खरीप पिकांना दिलासा मिळाला असला तरी सततच्या पावसामुळे उत्पादनात घट होण्याची चिन्हे दिसत आहे.<br />शुक्रवारी चणकापूर धरणातून ६ हजार ४८१, पुनंद धरणातून ४ हजार ३७८ क्यूसेक, तर केळझर धरणातून २ हजार १२ क्यूसेक असे एकूण १२ हजार ९७१ क्यूसेक पाणी गिरणापात्रात सोडण्यात आले आहे.<br />हरणबारी धरणातून मोसम नदीत ४ हजार २८१ क्यूसेक पाण्याचा विसर्ग करण्यात आला आहे. परिणामी गिरणा व मोसम नदीला<br />पूरस्थिती कायम आहे. गिरणा नदी धोक्याच्या पातळीच्या वर वाहत<br />आहे.<br />यामुळे नदीकाठावरील गावे व वाड्यांना सावधानतेचा इशारा देण्यात आला आहे. प्रशासन आपत्कालीन स्थितीसाठी सज्ज असल्याची माहिती तहसीलदार चंद्रजित राजपूत यांनी दिली.<br />अतिवृष्टीमुळे बस फेऱ्या रद्द<br />राज्यात सर्वत्र अतिवृष्टी होत असल्याच्या पार्श्वभूमीवर मालेगाव आगाराने मालेगाव-सुरत, मालेगाव-उनई या बसच्या फेºया रद्द केल्या आहेत. नाशिककडे जाणाºया प्रवाशांच्या संख्येत घट झाल्यामुळे शुक्रवारी नाशिकच्या दहा फेºया रद्द करण्यात आल्या होत्या. पावसाचा फटका आगाराला बसत असून, उत्पन्नात घट झाली आहे.<br /><br />आमचा video आवडल्याबद्दल धन्यवाद. Like, Share and Subscribe करायला विसरू नका!<br /><br />#LokmatNews #nashik<br /><br />Subscribe to Our Channel <br />https://www.youtube.com/user/LokmatNews?sub_confirmation=1<br /><br /><br />Click Here For Latest News & Updates►http://www.lokmat.com<br /><br />To Stay Updated Download the Lokmat App► <br />Android Google Play: http://bit.ly/LokmatApp<br /><br />Like Us On Facebook ► https://www.facebook.com/lokmat<br />Follow Us on Twitter ►https://twitter.com/MiLOKMAT<br /> Instagram ►https://www.instagram.com/milokmat apr-oct19
